لبست النظارة على كبر وكنت بأكرهها جدا ..دايمًا كانت تقع من على وشي، بتتكسر، بتضايقني، كنت حتى في أى لمة ألاقيني عمالة أقول إن نظرى مش ضعيف بس بألبسها عشان الحساسية مع إن محدش سألنى يعني ..فلكوا أن تتخيلوا لما أسمع والبراء عنده ٦ شهور إن بسبب الرأرأة الى في عينه اليمين ممكن يلبس نضارة !!قلبي كان واجعنى جدا، وكل شوية أحمد ربنا وأستغفر، وبعدين أرجع أقولطيب لما يحب يلعب ويجري مع صحابه، إفرض وقعطيب لما يحب يتعلم السباحةطيب هيكسر كام واحدة ده أنا كبيرة ومبعرفش أحافظ عليهاطيب لما يقرأ .. وهكذاوكعادتي لما أحب أعيط، بأكتب 😂😂كتبت ساعتها نص بسيط عن طفل بيحكى عن نضارته، حسيت بتصالح نسبي معاها ..وبعدها بفترة مبقتش عارفة هيلبسها ولا لأ بس قررت أكتبه النص من الأول بشكل مختلف عشان أى طفل بيلبسها ..وبدأت أكتب نصي عن النظارات ..كنت عاوزة أوصل بيه إن النظارة مش هوية مش ميزة ولا عيب، ولا بتقلل الجمال، هى بس اختراع عظيم كلنا بنحتاجه ..وإن الطفل الى بيلبس نضارة ممكن يبقى أى حاجة هو عاوزها ..كنت عاوزة أوصل جمال اختلافنا ..فطلع بلورة، نص بيتكلم عن النظارات، عن المهن، عن الناس واختلافاتهم، عن المستقبل المشرق الممكن لكل الأطفال 🤓
لبست النظارة على كبر وكنت بأكرهها جدا ..دايمًا كانت تقع من على وشي، بتتكسر، بتضايقني، كنت حتى في أى لمة ألاقيني عمالة أقول إن نظرى مش ضعيف بس بألبسها عشان الحساسية مع إن محدش سألنى يعني ..فلكوا أن تتخيلوا لما أسمع والبراء عنده ٦ شهور إن بسبب الرأرأة الى في عينه اليمين ممكن يلبس نضارة !!قلبي كان واجعنى جدا، وكل شوية أحمد ربنا وأستغفر، وبعدين أرجع أقولطيب لما يحب يلعب ويجري مع صحابه، إفرض وقعطيب لما يحب يتعلم السباحةطيب هيكسر كام واحدة ده أنا كبيرة ومبعرفش أحافظ عليهاطيب لما يقرأ .. وهكذاوكعادتي لما أحب أعيط، بأكتب 😂😂كتبت ساعتها نص بسيط عن طفل بيحكى عن نضارته، حسيت بتصالح نسبي معاها ..وبعدها بفترة مبقتش عارفة هيلبسها ولا لأ بس قررت أكتبه النص من الأول بشكل مختلف عشان أى طفل بيلبسها ..وبدأت أكتب نصي عن النظارات ..كنت عاوزة أوصل بيه إن النظارة مش هوية مش ميزة ولا عيب، ولا بتقلل الجمال، هى بس اختراع عظيم كلنا بنحتاجه ..وإن الطفل الى بيلبس نضارة ممكن يبقى أى حاجة هو عاوزها ..كنت عاوزة أوصل جمال اختلافنا ..فطلع بلورة، نص بيتكلم عن النظارات، عن المهن، عن الناس واختلافاتهم، عن المستقبل المشرق الممكن لكل الأطفال 🤓