هو : عندها تعنت و رفض لكل اللي اقوله . و لازم كل حاجه اقعد اوضح لها و تجادلني و مع ذلك مش بتقتنع ابدا . ما عندهاش طاعه بتاتا فباضطر يا اما اخد قرار و انفذ من غير ما اقولها عشان ارحم نفسي من الجدال يا اما لو فتحت الموضوع اهرب و ما اردش عليها باي حجه منعا للجدال. انا بحبها و بحب اساعدها في كل حاجه لدرجة اخواتي بيتريقوا علي و يقولوا لي شكلك وحش. انت لازم تراعي شكلك قدام الناس . كسفتنا الناس يقولواعليك ايه و انت بتعمل لها كل حاجه . لما تبقى في بيتك ابقى ساعدها لكن قدام الناس هيقولوا عليك جوز الست. كمان بتشتكي لابويا مني لو اتنرفزت عليها و ده بيكبر الموضوع لان ابويا صعب جدا و بيقولي: الراجل مسئول عن تصرفات مراته في كل حاجه الصح و الغلط. انا زعلت لان شكلي بقى صعب قدام ابويا و بقى شايفني راجل ضعيف و مش عارف اسيطر على مراتي.انا بحبها و عايزها تطيعني عشان الحياه تستمر بيننا . هي طلبت الطلاق لاول مره من ايام . انا اتصدمت . ليه الطلاق؟ و فيها ايه لما تسمع كلامي و البيت يستقر؟هي: انا بحبه جدا اكتر حاجه خلتني احبه انه كان بيسمعني و يناقشني و ما يفرضش علي حاجه الا لما اقتنع بها. دلوقتي الوضع ده اتغير هو ماعادش يسمعني و انا ماعدتش باقتنع برايه لاني باحس ان كل كلامه مجرد تنفيذ لأوامر أهله. و هو شايفهم دايما صح و ده مضايقني لانهم مش بيختاروا اي قرار مناسب لي و دايما جايين علي. هم موصلين له انه ضعيف قدامي و لما يساعدني في البيت يقولوا له انت مرمطون الست . انا تعبت من مشاكل اهله اللي بيخترعوها لنا كل يوم . لو عليه كنت اكمل لكن انا مش قادره امنع تدخلات أهله. مامته كل ما تكلمه بالتليفون يتحول معايا الى وحش كاسر بعد ما كنا قاعدين كويسين و بنضحك . بيتكرر كتير ان مامته تشتكي له و تقوله : مراتك سابتني قاعده لوحدي و دخلت نامت و الحقيقه اني سبتها وقت الصلاه بس و اني طول الوقت اسالها اعمل لك كذ..؟ لكن هي مش بتحكي له عن خدمتي ليها ابدا و بتدوري على غلطه و هو بيتأثر و بيتحول من الزوج اللي بحبه لشخص عنيف بيشتم و يزعق.طلبت منه الطلاق لما تاكدت ان هم مش هيسيبونا في حالنا ابدا .
هو : عندها تعنت و رفض لكل اللي اقوله . و لازم كل حاجه اقعد اوضح لها و تجادلني و مع ذلك مش بتقتنع ابدا . ما عندهاش طاعه بتاتا فباضطر يا اما اخد قرار و انفذ من غير ما اقولها عشان ارحم نفسي من الجدال يا اما لو فتحت الموضوع اهرب و ما اردش عليها باي حجه منعا للجدال. انا بحبها و بحب اساعدها في كل حاجه لدرجة اخواتي بيتريقوا علي و يقولوا لي شكلك وحش. انت لازم تراعي شكلك قدام الناس . كسفتنا الناس يقولواعليك ايه و انت بتعمل لها كل حاجه . لما تبقى في بيتك ابقى ساعدها لكن قدام الناس هيقولوا عليك جوز الست. كمان بتشتكي لابويا مني لو اتنرفزت عليها و ده بيكبر الموضوع لان ابويا صعب جدا و بيقولي: الراجل مسئول عن تصرفات مراته في كل حاجه الصح و الغلط. انا زعلت لان شكلي بقى صعب قدام ابويا و بقى شايفني راجل ضعيف و مش عارف اسيطر على مراتي.انا بحبها و عايزها تطيعني عشان الحياه تستمر بيننا . هي طلبت الطلاق لاول مره من ايام . انا اتصدمت . ليه الطلاق؟ و فيها ايه لما تسمع كلامي و البيت يستقر؟هي: انا بحبه جدا اكتر حاجه خلتني احبه انه كان بيسمعني و يناقشني و ما يفرضش علي حاجه الا لما اقتنع بها. دلوقتي الوضع ده اتغير هو ماعادش يسمعني و انا ماعدتش باقتنع برايه لاني باحس ان كل كلامه مجرد تنفيذ لأوامر أهله. و هو شايفهم دايما صح و ده مضايقني لانهم مش بيختاروا اي قرار مناسب لي و دايما جايين علي. هم موصلين له انه ضعيف قدامي و لما يساعدني في البيت يقولوا له انت مرمطون الست . انا تعبت من مشاكل اهله اللي بيخترعوها لنا كل يوم . لو عليه كنت اكمل لكن انا مش قادره امنع تدخلات أهله. مامته كل ما تكلمه بالتليفون يتحول معايا الى وحش كاسر بعد ما كنا قاعدين كويسين و بنضحك . بيتكرر كتير ان مامته تشتكي له و تقوله : مراتك سابتني قاعده لوحدي و دخلت نامت و الحقيقه اني سبتها وقت الصلاه بس و اني طول الوقت اسالها اعمل لك كذ..؟ لكن هي مش بتحكي له عن خدمتي ليها ابدا و بتدوري على غلطه و هو بيتأثر و بيتحول من الزوج اللي بحبه لشخص عنيف بيشتم و يزعق.طلبت منه الطلاق لما تاكدت ان هم مش هيسيبونا في حالنا ابدا .