ياء الملكية ريهام الشيمي تطوير الذات•مهارات شخصية

الكتاب دا لكل اللي عنده أمل إن بكرة ممكن يكون أحلى، ولكل اللي مستعد ينسى إمبارح ويعيش متعة النهاردة، ولكل اللي مستعد يتحمل مسئوولية حياته علشان يخليها أحلى. تقدر تعتبره الكتاب الصديق اللي هياخدك معاه في رحلة جواك، هدفها التغيير للأفضل الكتاب دا هو خلاصة اللي توصلتله بعد سنين شغل على نفسي وبعد ما استوعبت الدرس كويس أوي، اكتشفت إن بداية التغيير الحقيقية لكل واحد فينا هو وعيه بنفسه، ووعيه بالحاجات اللي بيملك سيطرة عليها. علشان كدة أنا بطلب منك وإنت بتقرا الكتاب دا تطبقه على نفسك وتسمح لنفسك تجرب الأفكار اللي فيه، وصدقني أنا مش هاقولك نصيحة وكلام تحفيز والسلام أنا جاية أقولك إن قوتك تكمن في أفكارك، ومشاعرك، وتفسيرك للأمور، ورؤيتك للحياة، ولعاداتك، ولنقط قوتك، ولكل حاجة ممكن تربطها بـ ياء ملكيتك علشان تكون دايما في أفضل صورة من نفسك.