رسائل شحتة إلى جميلة محمد راضي أدب عربي•أدب ساخر مولد سيدى الكداب•لا و النبى ياعبده•القتل يسبب الوفاة•هكذا تكلم حموئة•ارض البامبرز•الولى
قصة في دقيقة•في سبيل الشنكحور•عودة الحمار•خوخة السعدان•السعلوكي في بلاد الأفريكي•وداعا للطواجن•بلاد تشيل و بلاد تحط•الصحصاح ابن كحكوح•حكايات قهوة كتكوت•قضية حبطه•أمريكا يا ويكا•السيد اللي واء
عقب وفاة أبي اجتمعت العائلة لمناقشة أمر الميراث، فقال عمي مواسيًا:- شد حيلك يا ابني.. البقاء لله.- لا يا عمي، البقاء للأقوى.- ليه؟ هو أبوك مات في حلبة مصارعة؟!- آه مات وهو بيصارع على الموارد المحدودة في سباق شرس بين القطعان.- بس أبوك مات في البيت مش في ناشيونال جيوغرافيك! وكان عارف أفكارك فوصى إنك ما تورثش فيه غير لما تتجوز بنتي.- أنا ضد الجواز، أفضل وسيلة للتناسل هي اللي الحيوانات بتمارسها، غريزة التكاثر لبقاء النوع فقط بدون غلاف بشري أحمق يدعى الزواج..- يعني إيه؟- يعني أنا آسف مش هتجوز بنتك.- وأنا آسف مش هديك ميراث.- بس دا ظلم.- عندي عيال ياكلوا الزلط.. وأنت لسه قايل إن البقاء للأقوى، فيا تنفذ وصية أبوك، يا تنسى الميراث. مفيش حل تاني طيب؟- أبوك كان عارف إنك هترفض فاقترح حل تاني بس صعب عليك.- أيًا كان مش هيبقى أصعب من جوازي من بنتك القردة.- قردة عشان الإنسان أصله قرد وكدا؟- لأ عشان وحشة؛ واعذر صراحتي، تكويني النفسي يمنعني من النفاق والمجاملات وكل البدع التي تسببت في تخلف المجتمـ..- اسكت ياللاه.- حاضر.- أبوك عايزك تثبت صحة نظرية التطور.- بس دي محتاجة ملايين السنين!- لا ملايين السنين ولا حاجة.. مش أنت مؤمن إن الإنسان أصله قرد؟ - آه أشار لابنه الأكبر -البغل أخو القردة- وأمره:- قوم يا محمد هات أصل الإنسان من بره..- إيه أصل الإنسان دا يا عمي؟- قردة.- بنتك؟ - لأ قردة تانية، أبوك طلب إنك تختلي بيها، ولو قدرت تخليها تحمل منك يبقى أنت وداروين صح وتاخد الميراث...اعتقدت أنه يمزح فنظرت له متعجبًا ولكنه قطع الشك بأن أمر بحدة:- هات القردة يا محمد.- هو هيجيب قردة بجد؟- أبوك حصرك بين خيارين، يا تتجوز بنتي القردة يا تتجوز قردة حرفيًّا.
عقب وفاة أبي اجتمعت العائلة لمناقشة أمر الميراث، فقال عمي مواسيًا:- شد حيلك يا ابني.. البقاء لله.- لا يا عمي، البقاء للأقوى.- ليه؟ هو أبوك مات في حلبة مصارعة؟!- آه مات وهو بيصارع على الموارد المحدودة في سباق شرس بين القطعان.- بس أبوك مات في البيت مش في ناشيونال جيوغرافيك! وكان عارف أفكارك فوصى إنك ما تورثش فيه غير لما تتجوز بنتي.- أنا ضد الجواز، أفضل وسيلة للتناسل هي اللي الحيوانات بتمارسها، غريزة التكاثر لبقاء النوع فقط بدون غلاف بشري أحمق يدعى الزواج..- يعني إيه؟- يعني أنا آسف مش هتجوز بنتك.- وأنا آسف مش هديك ميراث.- بس دا ظلم.- عندي عيال ياكلوا الزلط.. وأنت لسه قايل إن البقاء للأقوى، فيا تنفذ وصية أبوك، يا تنسى الميراث. مفيش حل تاني طيب؟- أبوك كان عارف إنك هترفض فاقترح حل تاني بس صعب عليك.- أيًا كان مش هيبقى أصعب من جوازي من بنتك القردة.- قردة عشان الإنسان أصله قرد وكدا؟- لأ عشان وحشة؛ واعذر صراحتي، تكويني النفسي يمنعني من النفاق والمجاملات وكل البدع التي تسببت في تخلف المجتمـ..- اسكت ياللاه.- حاضر.- أبوك عايزك تثبت صحة نظرية التطور.- بس دي محتاجة ملايين السنين!- لا ملايين السنين ولا حاجة.. مش أنت مؤمن إن الإنسان أصله قرد؟ - آه أشار لابنه الأكبر -البغل أخو القردة- وأمره:- قوم يا محمد هات أصل الإنسان من بره..- إيه أصل الإنسان دا يا عمي؟- قردة.- بنتك؟ - لأ قردة تانية، أبوك طلب إنك تختلي بيها، ولو قدرت تخليها تحمل منك يبقى أنت وداروين صح وتاخد الميراث...اعتقدت أنه يمزح فنظرت له متعجبًا ولكنه قطع الشك بأن أمر بحدة:- هات القردة يا محمد.- هو هيجيب قردة بجد؟- أبوك حصرك بين خيارين، يا تتجوز بنتي القردة يا تتجوز قردة حرفيًّا.